Acaba de publicarse Frescobaldi 2.0.6. Hai novas funcionalidades como o pregado e despregado de bloques de texto ou a posibilidade de abrir ficheiros na mesma xanela ao lanzar documentos desde o explorador de ficheiros e tamén correccións de erros detectados en versións anteriores. Lembramos que funciona con KDE4 e que hai un instalador para Windows.
A fundación Mozarteum atopou unha nova partitura para piano de Mozart. O investigador Hildegard Herrmann-Schenider localizouna no Tirol austríaco, incluída nun libro de notas, cando traballaba en documentar fontes musicais antigas da rexión.
A partitura está explícitamente atribuida a Mozart, aínda que foi manuscrita por un copista tirolés.
A nova peza será interpretada na súa presentación ao público o próximo 23 de marzo na casa onde viviu o músico en Salzburgo, a súa cidade natal.
O estupendo sitio de partituras Werner Icking Music Archiv fusiónase con IMSLP desde o mes de setembro de 2011. Todas as partituras de WIMA pasaron a formar parte do amplo catálogo de IMSLP.
Rock & Roll para muñones é un curso gratuito para aprender a tocar a guitarra, que explica dun xeito sinxelo e desenfadado as dificultades técnicas e a linguaxe musical necesario para aprender a interpretar este estilo musical.
O aplicativo Frescobaldi 2, que facilita a edición de partituras con Lilypond, xa está dispoñible para a descarga. Agora inclúe un instalador completo para Windows de xeito que se pode empregar neste sistema operativo. A versión para MacOs X está de camiño.
JPAGE_CURRENT_OF_TOTAL
