Concerto de primavera: órgano e quinteto de metais

PROGRAMA:

60º ANIVERSARIO DO CONSERVATORIO PROFESIONAL DE MUSICA DE OURENSE

CONCIERTO DE QUINTETO DE METAIS E ÓRGANO, en colaboración coa Asociación Cultural Amigos do Órgano Un rato no tubo.

Profesores:
Rubén Freire Bermúdez. Trompeta
Raúl Álvarez Iglesias Trompeta
Antonio Caneda Zamar. Trombón
Jorge Manuel Fuentes Arce. Trompa
Pablo Doval Golmar. Tuba
Marisol Mendive Zabaldica. Órgano

IGREXA DE SANTA EUFEMIA DO CENTRO.

Luns 6 DE MARZO 2017. 20.15H

Entrada libre

PROGRAMA

D. Sampson (1951)
Allegro: “Fanfare For Canterbury Cathedral”
Quinteto de metais e órgano

J.Haydn (1732-1809)
Concerto No.2 en re maior para trompa e órgano.Hob.VIId:4
Allegro moderato
Jorge Fuentes Arce. Trompa

J.F.Haendel (1685-1759)
Sonata en do maior
Larguetto-allegro-Larguetto-Gavotte-Allegro.
Pablo Doval Golmar. Tuba

G.Torelli (1658-1709)
Concerto en Re Maior
Allegro-Adagio-Allegro
Raúl Álvarez Iglesias. Trompeta

S.Verhelst
A song for Japan
Quinteto de metais e órgano.

G. C. Wagenseil (1715-1777)
Concerto para trombón en mi bemor maior
Adagio-Allegro
Antonio Caneda Zamar. Trombón

A.Arutiunian (1920-2012)
Elegy
Rubén Freire Bermúdez. Trompeta

Gabrielli (1557-1612)
Canzon duodecimi toni. Sacrae Symphoniae, Venice 1597
Andante.
Adaptación para quinteto de metais con órgano.

KDE – Minuet

Un proxecto que recentemente acaba de ver a luz é o KDE – Minuet, un programa de educación musical e auditiva desenvolvido dentro do escritorio KDE con tecnoloxía Qt, polo tanto podémolo atopar nas diferentes distribucións Linux, tamén dispoñible para Android, a través de Google Play. O programa vai collendo cada vez novas características e os desenvolvedores, Sandro Andrade e Ayush Shah, prometen dedicación e esforzo.

Aquí unhas instantáneas:

Fontes:

Sandro Andrade

MuyLinux

O pito pastoril – Método de Moisés Quintas

Moisés Quintas, mestre de Educación Musical e frautista, vén de publicar un estupendo método para aprender todo sobre o pito pastoril, a frauta doce da música tradicional galega.

O plantexamento didáctico, a secuenciación das dificultades, o emprego de exemplos sonoros, a profundidade dos contidos xunto coa claridade e sinxeleza na exposición fan deste método imprescindible e constitúe un fito único na pedagoxía musical galega.

Noraboa por este brillante traballo, Moisés!

Homenaxe á Señora Carmen – Malvela

A Señora Carmen, Carmen Pérez Navazal, voz solista do grupo Malvela, finou antonte aos 89 anos de idade. En 2007 publicou un disco-dvd en solitario, Na flor dos meus anos. A ela gustáballe máis cantar en grupo. Como mostra amosamos este vídeo… Grazas polo seu traballo e polo seu amor á música, ao canto e a Galicia…

 

O segundo abandono dos órganos

O segundo abandono dos órganos é o título dun artigo que aparece na web culturagalega.org no que se trata da paralización do estudo e catalogación do patrimonio organístico galego iniciado pola Consellería de Cultura en 2009. O traballo xa rematou tres das cinco diócesis galegas. Catalogar, estudar o instrumento e a caixa, coñecer o seu estado real, facer unha aproximación á súa historia, coñecer o valor auténtico do instrumento… son pasos fundamentais para poder desenvolver unha actuación de posta en valor e recuperación do patrimonio organístico.
O cambio de modelo que están a levar a cabo os políticos gobernantes actuais escudándose na crise, desprestixiando todo o que sexa público, favorecendo a iniciativa privada (que só quere estar alí onde poida sacar beneficios económicos) está na orixe da perda do estado de benestar, que non só é educación, sanidade e dependencia, senón tamén, cultura, e dentro da mesma, música, e dentro da mesma, o órgano como instrumento musical froito do avance da tecnoloxía e da arte do ser humano a través da historia. Son malos tempos… Debemos reaccionar!

II Xornadas de Órgano Cidade de Ourense

A Asociación de Amigos do Órgano Un Rato No Tubo organiza desde o 28 ao 30 de novembro as II Xornadas de Órgano Cidade de Ourense. As actividades abranguen desde unha exposición fotográfica co órgano como protagonista, un encontro coa organista portuguesa Edite Rocha e un concerto de órgano na Igrexa de Santa Eufemia a cargo da mencionada Edite Rocha cun programa con obras de compositores portugueses e franceses do século XIX e XX.

Máis información na web de Asociación Un Rato No Tubo.

Cartaz das II Xornadas de Órgano Cidade de Ourense

Unha Santa Icía 2012 reivindicativa

Sopran malos ventos para o ensino da Música en España. O anteproxecto de reforma educativa elaborado polo Ministerio de Educación e Cultura propón a supresión do Bacharelato de Música e Artes Escénicas, creado pola LOE de 2006 co fin de integrar as artes escénicas, a música e a danza nas ensinanzas de réxime xeral. Ademais de posibilitar nas probas de acceso á universidade a entrada nunha chea importante de carreiras, de poder beneficiar aos alumnos dun sistema de convalidacións para que se centren nas materias específicas da súa arte, a ubicación dalgún centro de secundaria preto dun conservatorio facilita unha mellor e máis completa formación do alumnado desta especialidade.
É hora de mobilizarse. O Consello Escolar e o Claustro de Profesores do CMUS de Ourense convoca hoxe, día 22 de novembro, ás 18h30, unha concentración diante do centro para rexeitar esta pretensión do MEC.
O valor educativo da Música é innegable. Por se alguén non o ten claro, esta presentación realizada por Mª Jesús Camino, pódelle aclarar a cuestión.