Xul232022
Leon Boëllmann foi un compositor francés que dedicou a meirande parte da súa obra ao órgano. Foi nomeado organista titular da igrexa de San Vicente de Paul, en Paris, e tivo á súa disposición un órgano Cavaillé-Coll.
A obra Heures Mystiques é unha escolma de pequenas pezas para órgano ou harmonio con títulos referidos a momentos da misa nos que o órgano tiña un papel importante: entradas, ofertorios, consagracións, comunións, saídas… Tamén ten versetos.
Ofrecemos o Verseto XX, moi sinxelo.
Xan292022
Unha mostra do bo facer deste trío de cantareiras que está realizando unha tarefa en prol do folclore galego: achegalo ás novas xeracións e a público xoven. Innovación desde o respecto ás esencias da tradición. Grazas, Tanxu…!
Dec262020
No pendello é unha panxoliña tradicional galega. O folclore galego mostra a cotío no Nadal a paradoxa de que o ser máis poderoso aparece entre nós como o máis pobre do mundo. Por iso, o galego, que noutrora tamén era pobre, lévalle todo o pouco que ten, non só comida senón tamén farrapos para combater a friaxe.
No pendello – Tradiconal Galicia by musiescola
Ago242020
Esta partitura de Susato, titulada Ronde, constitúe un bo exercicio para practicar o si bemol na frauta soprano.
Unha vez dominada a parte da frauta soprano podemos empregar esta partitura que ten as outras tres partes activas, a modo de acompañamento:
Feb12020
Unha canción inclusiva para facer a dieta máis equilibrada comendo máis verduras e legumes naturais e aprender tamén os nomes destes produtos da horta, tan beneficiosos para todos e todas.
Dec312019
O blog de aula de María Quintanilla, El Blog de lenguaje musical, é un moi interesante lugar para coñecer o seu traballo e o do seu alumnado, os materiais que crea e as actividades nas que participa.
Dec292019
Dec282019
Sofia Tyurina, saxo soprano, e o pianista Denis Matsuev interpretan as Czardas de Vittorio Monti. Unha rapaza de 9 anos con moita musicalidade na súa sensibilidade musical e moita axilidade nos seus dedos acompañada por unha das primeiras figuras musicais do mundo pianístico.
Dec272019
Os Momentos musicais op 16 de Sergei Rachmaninov son un conxunto de seis pezas que cada unha delas pode ser interpretada ailladamente. A número 3 describe un momento de ensoñación. Está en si menor, en compás de catro por catro, e na sección central aparece un stacatto de oitava na man esquerda que muda o ritmo inicial. É unha obra dominada por un fondo sentimento de tristura e resignación. Fermosa!
Neste vídeo está interpretada por Vadim Chaimovich
Dec262019
Unha peza fermosa, unha melodía moi traballada harmonicamente, con sonoridades diferentes… A interpretación de Kathryn Stott é espléndida… A calidade do son, non tanto!