2º movemento do Concerto nº1 para piano – Brahms
Johannes Brahms escribiu dous concertos para piano e orquestra. O primeiro concerto foi composto dezasete anos antes da súa 1ª Sinfonía. A súa xénese demorouse cinco anos xa que a versión definitiva vén da adaptación a orquestra dunha sonata para dous pianos que o compositor tiña no seu caixón.
Os tres movementos deste primeiro concerto son magníficos. O segundo amosa un Brahms íntimo, reflexivo e apaixoado ás veces, tamén resignado…
Amosamos tres vídeos con tres pianistas solventes, auténticos ARTISTAS. Cada un, xunto co correspondente director da orquestra, amosa unha forma diferente de abordar as dificultades técnicas e expresivas: tempos, fraseos, matices, rubatos…
Maurizio Pollini, de quen se cumprirá mañá 23 de marzo o primeiro aniversario do seu pasamento, toca xunto coa Staatskapelle Dresden e Christian Thielemann como director:
Daniel Baremboin interpreta o mesmo movemento acompañado pola Staatskapelle Berlin con Gustavo Dudamel como director:
Kyristian Zimerman coa Berlin Philhamonic Orchstra dirixida por Simon Rattle:
Escoitar estas tres versións e apreciar as súas diferenzas e semellanzas constitúe un excelente exercicio de educación musical.
Sonatina – Antón García Abril
O compositor e profesor Antón García Abril finou o 17 de marzo de 2021 e deixounos unha morea de obras sinfónicas, óperas, música de cámara, para instrumento solista ou sintonías de programas de televisión e bandas sonoras de películas. Foi un compositor que se empapou de todas as vangardas do seu tempo, pero que non renunciou ao pracer e compoñer melodías. Queremos homenaxear a este xenial músico español coa audición da obra para piano “Sonatina”(Alegretto – Arietta – Finale), neste vídeo interpretada maxistralmente pola pianista María Canyigueral, no Auditorio Josep Vider de Girona.
Momento musical nº 3 – Sergei Rachmaninov
Os Momentos musicais op 16 de Sergei Rachmaninov son un conxunto de seis pezas que cada unha delas pode ser interpretada ailladamente. A número 3 describe un momento de ensoñación. Está en si menor, en compás de catro por catro, e na sección central aparece un stacatto de oitava na man esquerda que muda o ritmo inicial. É unha obra dominada por un fondo sentimento de tristura e resignación. Fermosa!
Neste vídeo está interpretada por Vadim Chaimovich
Adeus ao piano
Unha sinxela obra póstuma de Beethoven para piano: Adeus ao piano.
Melodía Op 68 nº 1 Schumann
Esta famosa melodía de Schumann é unha das primeiras coas que os e as xóvenes pianistas deben enfrontarse. Pertence ao seu álbum titulado Álbum da xuventude, onde recolle unha serie de pezas orixinais xunto con consellos para guiar aos principiantes na arte de tocar o piano.
Funcións harmónicas na música de Mozart
Este vídeo que ofrecemos pertence a unha serie que analiza as funcións tonais en obras de Mozart. Empezou co primeiro movemento da sonata para piano K 545:
O estudo evolucionou e atopamos este vídeo, aínda en progreso, sobre o primeiro tempo da sonata K 310.
Dúas pezas para piano de Sibelius
Sibelius compuxo pezas curtas, miniaturas, para piano en coleccións, cun estilo íntimo e persoal. Ofrecemos dúas pezas:
Romance op 24 – nº 9
5 Estudos op. 75 – nº 5 “O abeto”
Canción do verán – Wilhelm Peterson-Berger
Chega o verán e non hai nada tan axeitado coma recibilo coa Canción do verán, un canto a esta estación do ano do compositor sueco Wilhelm Peterson-Berger.
One Direction – The Piano Guys
The Piano Guys ofrécenos un bonito tema interpretado por cinco músicos nun único piano… Música para decorar algún momento do día.
Sonata nº 16 K 545 Mozart – Terceiro movemento
Para rematar esta sonata, este é o último movemento.
Sonata No. 16, 3rd Movement K. 545 by ClassicMan