Tocatta Mambo – Rainer Hersch

Rainer Hersch é un continuador dunha forma de facer música e humor que practicaron grandes figuras que aunaban coma el un enorme virtuosismo musical cun dominio da escena e das claves da comedia, como Doodley Moore ou o mesmísimo Víctor Borge e demais.

No seu espectáculo Funkiest JS Bach EVERT!, Rainer incorpora unha versión xenial para grupo instrumental da tocatta correspondente á Toccata e fuga para órgano en re menor de JS Bach. Aquí está o resultado:

A música A do Tetris

O Tetris, un xogo de tetraminós moi popular inventado polo inxeñeiro soviético Pázhitnov, posúe varias músicas. A máis popular é a chamada Música A, inspirada nunha canción rusa titulada Korobéiniki, que se pode escoitar neste vídeo.



Nestoutro vídeo podemos escoitar unha versión da mesma melodía… con botellas:

Danza húngara nº5 Brahms – Chaplin

Charles Chaplin foi un magnífico actor, director e compositor das bandas sonoras das súas propias películas. No filme “O grande dictador” hai unha escena onde Chaplin, barbeiro, arránxalle a cara a un cliente seguindo o ritmo e os temas da Danza húngara nº 5 de Brahms.


Xenial…!!!

O humor na música – Víctor Borge

Víctor Borge foi un pianista e comediante danés que desenvolveu gran parte da súa carreira musical e artística en EEUU. Neno prodixio, combinou a súa faceta concertística co humor e realizou actuacións verdadeiramente cheas de bo e fino humor, unha forma moi axeitada de difundir a música clásica.
Vexan unha proba disto neste vídeo, coa famosa Rapsodia húngara nº2 de Listz: