Musicanaescola

Unha emoción liberada...

Detalles

Creado o Domingo, 21 Xuño 2020 16:23

Última actualización do Mércores, 23 Decembro 2020 19:01

Publicado o Domingo, 21 Xuño 2020 16:23

Escrito por Administrator

Visitas: 4725

Este coro, o Stellenbosch University Choir, consegue coas súas interpretacións chegar ao máis fondo do noso corazón e libera emocións variadas... A calidade técnica e musicalidade do conxunto, mérito de cada un dos coristas e do excelente director, é do mellorciño que poden escoitar no mundo... Aquí lles deixo algunhas interpretacións:

Let my love be Heard de Jake Runestad:

Baba Yetu, de Chritopher Tin, arranxo do director do coro, un músico brillante, André van der Merwe:

Rainmaker de Hans Zimmer:

I Wont Give Up, de Jason Mraz:

Entrée de Polimnie - Les Boréades - Rameau

Detalles

Creado o Xoves, 09 Abril 2020 21:03

Última actualización do Xoves, 09 Abril 2020 21:04

Publicado o Xoves, 09 Abril 2020 21:03

Escrito por Administrator

Visitas: 5241

Rameau é un deses compositores no que a inspiración e a vitalidade están en cada unha das súas composicións. Esta obra que lles ofrecemos "Entrée de Polimnie" da ópera Les Boréades (Acto IV Sección IV) é unha mostra. Traemos aquí dúas versións marabillosas desta obra de Rameau, cada unha cunha visión diferente, pero coa musicalidade por enriba de todo:

Os English Baroque Soloists co xenial John Eliot Gardiner na dirección realiza esta fermosa versión:

O pianista Vikingur Ólafsson realiza a súa versión para piano baseándose na partitura de Andreas Edlund:

Momento musical nº3 op 16 - Rachmaninov

Detalles

Creado o Xoves, 09 Abril 2020 18:54

Última actualización do Domingo, 28 Xuño 2020 09:01

Publicado o Xoves, 09 Abril 2020 18:54

Escrito por Administrator

Visitas: 4069

Os Momentos musicais op 16 de Sergei Rachmaninov son un conxunto de seis pezas que cada unha delas pode ser interpretada illadamente. A número 3 describe un momento de profunda tristura. Está en si menor, en compás de catro por catro, e na sección central aparece un stacatto de oitava na man esquerda que muda o ritmo inicial. É unha obra dominada por un fondo sentimento de resignación. Fermosa! Neste vídeo está interpretada por Vadim Chaimovich.

Banda Xuvenil de Santádega

Detalles

Creado o Sábado, 01 Febreiro 2020 23:19

Última actualización do Sábado, 01 Febreiro 2020 23:25

Publicado o Sábado, 01 Febreiro 2020 23:19

Escrito por Administrator

Visitas: 2182

O pasado verán, no mes de xullo, tivo lugar o IV Festival de Bandas Infantís e Xuvenís, organizado pola Federación de Bandas de Galicia, evento encamiñado a pór en valor o labor formativo destas agrupacións que moven, afortunadamente, cada vez a máis rapazada.

Por sorteo, da provincia de Ourense acudiron a Banda Xuvenil da Agrupación Musical da Limia e a Banda Xuvenil de Santádega (Coles). Como na capital da provincia levamos case seis anos sen banda municipal parécenos axeitado escoitar a unha destas bandas e darlles as grazas aos seus músicos, directores, asociacións culturais e nais e pais, por ofrecernos música fermosa, interpretada con agarimo e tamén por non deixar morrer esta tradición que vén desde finais do século XIX e que, debido á falta de sensibilidade da poboación ourensá e dos seus representantes políticos, foi borrada do acervo cultural da nosa cidade.

Con vostedes, a Banda Xuvenil de Santádega dirixida por Roberto Iglesias.