O famoso divulgador musical Jaime Altozano e o organista Aarón Ribas preséntannos o órgano como instrumento ensinándonos o órgano do Teatro Real de Madrid.
Coincidindo co centenario do falecemento do grande compositor francés Camille Saint-Saëns, ofrecemos un anaco dunha obra apropiada para escoitar nestas datas: Oratorio de Nadal op 12. Escoitamos o número 9, titulado Consurge, filia Sion para cinco solistas, coro, órgano, cordas e arpa, na versión de Christoph Poppen e a Deutsche Radio Philharmonie.
O compositor e profesor Antón García Abril finou o pasado 17 de marzo e deixounos unha morea de obras sinfónicas, óperas, música de cámara, para instrumento solista ou sintonías de programas de televisión e bandas sonoras de películas. Foi un compositor que se empapou de todas as vangardas do seu tempo, pero que non renunciou ao pracer e compoñer melodías. Queremos homenaxear a este xenial músico español coa audición da obra para piano "Sonatina"(Alegretto - Arietta - Finale), neste vídeo interpretada maxistralmente pola pianista María Canyigueral, no Auditorio Josep Vider de Girona.
Unha colaboración entre o compositor David Bedford e Mike Oldfield de 1977. Os instrumentos: o órgano da catedral de Worcester e a guitarra eléctrica. Esta obra abrangue un tema e 6 variacións e finale. Este video corresponde á variación nº 6. A valorar o virtuosismo do guitarrista...
