Sorprendente mestura…
Que pensarían se lles dixese que é posible tocar a frauta traveseira e, á vez, facer unha caixa de ritmos coa boca? Case incrible, pero…. non. Contemplen o resultado. Greg Patillo combina algúns temas coñecidos cunha caixa de ritmos bucal, típica do Hip-hop ou dos DJ’s. Bo traballo melódico, rítmico e, sobre todo, respiratorio.
O Theremin
O Theremin foi o primeiro sintetizador da historia. Inventado polo soviético Thermen en 1919, consta dunha caixa con dúas anteas. A da esquerda (desde o punto de vista do músico) ten forma de bucle e con ela contrólase a intensidade (se aproximas a man baixa o volume e se a alonxas, sobe). A da dereita é unha antea vertical na que se controla a frecuencia (a altura do son): se achegas a man, aumenta a frecuencia (máis agudo) e se alonxas a man, diminúe a frecuencia (máis grave).
Poden comprobalo neste vídeo:
Unha solución… para mans pequenas
Para tocar este Preludio de Rachmaninov comprería posuír uns grandes mans… mais o enxeño deste grande pianista sérvelle para saír airoso do trance… axudante incluído.
Bach… outra vez!
Si, outra vez… Bach. Agora nas voces dos King’s Singer interpretando “Deconstructing Johann“. Ademais, cos subtítulos en Castelán. ¡Xenial!
A OSG cumpre 15 anos
A Orquestra Sinfónica de Galicia OSG está a piques de cumprir 15 anos. Parabéns!
O 15 de maio de 1992, baixo a batuta de Sabas Calvillo, iniciou a súa andaina musical esta orquestra galega formada nese tempo por 72 músicos de máis de 20 nacionalidades. O traballo diario e a grande cantidade de concertos organizados, os directores que traballaron e traballan con ela e unha boa xestión levaron a esta nosa orquestra a ser considerada, hoxe en día, unha das mellores de España. Os proxectos musicais que se están a desenvolver (Festival Mozart, coro, coro xove, orquestra xove) así como as actividades pedagóxicas que realiza crean na súa cidade unha canteira importante de oíntes e afeccionados que augura un interesante e próspero futuro. Tamén o número de músicos da terra aumentou co paso do tempo debido a estas iniciativas.
Desexamos que o espíritu de superación de todos os seus integrantes siga a dar tan bos resultados. Aproveitamos para expresar un desexo persoal: que se prodiguen máis polo sur de Galicia.
Parabéns!
Ampliaciónn: Poden ler a entrevista que “El País” realiza ao director titular da OSG Víctor Pablo Pérez.
A harmónica de cristal
Iniciamos unha serie de artigos adicados a instrumentos pouco frecuentes coma a Harmónica de cristal, un instrumento perfeccionado no século XVIII por Benjamin Franklin.
Este instrumento consiste nunha serie de pratos ou cuncas de cristal superpostos e aliñados horizontalmente, atravesados por un eixo conectado a un pedal que, cunha correa, o fai xirar. Se esta estructura se toca cos dedos mollados prodúcese unha sonoridade doce, máxica. É, polo tanto, un instrumento idiófono.
Neste vídeo, correspondente á suite “O Crebanoces” de Tchaikovski, poden escoitar a “Danza da Fada de azucre”.
Das Klinget – A Frauta Máxica – Mozart
Das Klinget é un anaquiño de música de “A Frauta Máxica” de Mozart ben entrañable. A versión aquí ofrecida está realizada para frautas soprano e contralto, carillón e demais PAD. Está transportada a Do maior (o orixinal en Sol Maior). A parte de frauta é moi asequible, tamén os PAD. A parte do carillón resulta máis complicada, pero sempre é posible empregar a partitura como acompañamento… Hai moitas posibilidades.
É posible descargar a partitura en pdf.
A danza dos cisnes – Tchaikovsky
A danza dos cisnes, pertencente ao ballet “O lago dos cisnes” de Tchaikovsky, constitúe unha partitura axeitada para traballar algúns conceptos de linguaxe musical como o grupo rítmico Ti-tiri ou o do# agudo na frauta.
Nesta ligazón teñen unha proposta de instrumentación para frauta e PAD do primeiro tema.
Tamén dispoñible a partitura en formato pdf.
CPDL
CPDL é un sitio obrigatorio para músicos interesados en partituras para coro. Neste intre, hai máis de oito mil partituras de case 1300 compositores. Todas as partituras están en formato pdf, incluso de moitas delas é posible descargarse os ficheiros fonte. Está montada a páxina nun sistema wiki que facilita a colaboraciónn dos usuarios.
Iniciación á Música Clásica
Aconsellámoslles, a quen desexen iniciarse na música clásica, estas tres entregas dun estupendo “curso” escrito cun estilo desenfadado, moderno e directo. Estes cursos están no blogue Curiosoperoconarte :
- Primeira parte: CPA Musical Training
- Segunda parte: Abrindo as orellas .
- Terceira parte: A orquestra I