En 1977, o animador italiano Bruno Bozzetto estrenou Allegro ma non troppo, unha película do estilo de Fantasía de Disney, pero con claro sabor europeo… Poden ver este vídeo coma mostra cunha versión da “Danza eslava nº 7 Op. 46” de Antonin Dvorak :
Unha nova versión da popular Tocata e fuga en re menor de J. S. Bach. Esta vez en forma de quinteto de metais a cargo de Canadian Brass. Unha espectacular interpretación non só pola súa variedade tímbrica senón tamén magnífica técnica que amosa o grupo tanto individual como colectivamente. Á vez, este vídeo serviría para traballar dun xeito activo os instrumentos de vento metal.
Grazas a Marián Domínguez, podemos disfrutar e aprender dun xeito entretido os principios sobre os que se constrúen os instrumentos de vento madeira así como as súas características máis importantes. Chama a atención o título: De que cor son os ventos.
Unhas rapazas interpretaron en clase de música a catro mans esta peza. Aos seus compañeiros encantoulles. Por iso, ofrecémoslles unha versión para piano e frauta doce da danza Tamboril chinés de Vicenzo Billi.
Tamén en formato pdf.
O Departamento de Dinamización e Normalización Lingüística do CMUS de Ourense organiza, o próximo martes día 18 de decembro de 2007 ás 20:00 h, na Aula de Órgano, un acto para conmemorar o falecemento do compositor Ángel Barja nacido en Vilardevós. Haberá unha conferencia sobre a vida e obra deste compositor ourensán a cargo de D. Luis Costa, a interpretación de tres pezas para órgano (Canción triste, Suite para un gentil órgano e Tema y variación sobre el tema gregoriano Ave Maris Stella) con Marisol Mendive no instrumento e a actuació do coro Capela Madrigalista que interpretará unha obra vocal do compositor titulada Xan vai.
A asistencia é gratuita.
Os profesores e as profesoras do Conservatorio de Puertollano puxéronse mans á obra e realizaronn un traballo multimedia moi interesante, sinxelo e moi práctico sobre os instrumentos e a voz, que se imparten nese centro educativo. Premer na ligazón
Benjamin Britten concebiu esta peza orquestral, tamén coñecida como “Guía da orquestra para a mocidade” cun fin didáctico: amosar as familias e cada un dos instrumentos que compoñen a orquestra. Para isto tomou un tema de Henry Purcell e escribiu a partir del unhas variacións e unha fuga.
É unha obra de escoita fundamental para a educación musical da mocidade. Na páxina deste vídeo temos unha axuda para identificar as diferentes familias e instrumentos. A WDR Sinfonieorchester dirixida por Jukka-Pekka Saraste interpreta esta obra:
Nosvemosenelblog amósanos un estupendo vídeo realizado polo debuxante italiano Osvaldo Cavandoli no que nos ofrece a súa versión da Sonata KV 545 en do maior de W.A.Mozart, nos seus dous primeiros tempos. É unha delicia. Grazas, Marian, polo túa incesante procura de recursos e por compartir os resultados con todos…
Temos nas nosas mans unha pequena xoia. Trátase da reedición do “Cancionero Gallego” de Martínez Torner e Bal y Gay que a Fundación Pedro Barrié de la Maza vén de realizar co gallo do seu corenta aniversario.
É unha fermosa edición facsímil que conta, ademais, cun magnífico estudo crítico do profesor Carlos Villanueva.
Non sería boa idea que a Consellería de Educación, soa ou xuntamente coa de Cultura, financiasen unha edición menos luxosa deste cancioneiro pero útil e imprescindible para as aulas de música e bibliotecas dos nosos centros de ensino de Primaria, Secundaria e Conservatorios? O estudo deste cancioneiro e a súa adaptación e incorporación ao repertorio escolar revitalizaría e aumentaría o coñecemento e a valoración do noso folclore galego, sería un modelo para futuras investigacións neste eido e contribuiría notable e eficazmente na normalización do Galego. Non sería esta unha inversión totalmente rendible?
Déixense de tanto plan, plan e plan e acometan medidas sinxelas, realistas e eficaces.
E seguimos con… Bach. A cantata do café BWV 211 preséntanos unha aria cunha melodía con baixo continuo, soprano e frauta traveseira… É coma se fose un dúo entre a voz e o instrumento de vento madeira.