Isidro Vidal realizou hai un tempo unha interesante presentación sobre o piano, un instrumento musical cordófono que conseguiu unha grande difusión desde o Romanticismo debido ás súas enormes posibilidades expresivas.
Premer na ligazón.
A Consellería de Cultura da Xunta de Galicia organiza desde o 9 de abril ata o 14 de xuño, en catedrais, igrexas, pazos… un festival de música co nome Espazos Sonoros.
Desenvolveranse 5 ciclos de concertos: Ciclo de Cámara, Ciclo de Música Antiga, Ciclo de Órgano, Ciclo Vogal e Ciclo de Outros Sons.
Semella unha proposta interesante e un xeito de poñer en valor o patrimonio galego tanto arquitectónico coma musical, así como promocionar a artistas e grupos galegos ou doutros países.
As Seis fuguetas de Haendel poden constituir un bo material para iniciarse e traballar o estilo contrapuntístico dun xeito agradable.
Aquí en versión pdf.
NtEd é o novo sucesor de Noteedit para Linux desde que este quedase na versión 2.8.1 NtEd atópase en plena fase de desenvolvemento. Baséase na nova libraría gráfica Cairo que permite traballar en modo WYSIWYG. Cada vez vai ofrecendo máis prestacións. Dentro de poucas datas estará traducido ao Galego.
Si, desde logo, unha estupenda sorpresa. Sibelius 3 foi a última versión deste estupendo editor de partituras que se traduciu oficialmente ao Castelán. Agora, nunha mostra de apoio á comunidade hispana, aparece xa a versión Sibelius 5.1 en Castelán. Noroboa!
A Biblioteca Nacional pon a disposición de todos unha serie de obras mestras dixitalizadas, a biblioteca dixital hispánica, para poder ver en liña. Entre as Obras Mestras da Música atópase o libro “Libro de Música para tecla, arpa y vihuela” de Antonio de Cabezón, no que se pode admirar a arte do cifrado.
Neste vídeo, en inglés, amósasenos a forma de construir unha frauta de pico. As imaxes son moi descritivas e compréndese perfectamente o proceso e as súas fases.
Itzhak Perlman interpreta o Largo do Concerto para violín O Inverno de Antonio Vivaldi.
iAnalyse é un programa de axuda para a análise musical, dispoñible para MacOS 10.5 Leopard. Permite sincronizar un ficheiro de audio cun conxunto de imaxes, por exemplo, unha partitura e facer anotacións sobre ela para resaltar motivos, estructuras como frases, temas, suxeitos… Pódese crear, ademais, un vídeo coa análise realizada.
Neste vídeo amósase o proceso de fabricación dun clarinete na casa Buffet, unha casa con moita sona. De paso, é posible escoitar unha obra do xénero concertante, moi famosa, para este instrumento.