Usos didácticos de Slideshare en Educación Musical
Slideshare constitúe unha ferramenta web que permite introducir presentacións tipo power point, odp (formato de OpenDocument) e pdf en distintas plataformas como CMS, blogs…
Agora Slideshare admite tamén audio, en formato wave (tamaño moi grande dos ficheiros). É o que chaman SlideCast. Se unimos a presentación co audio o resultado dá unha ferramenta moi útil para a Educación Musical. Vexamos algúns exemplos estupendos que Nos vemos en el Blog nos ofrece:
- Un musicograma do primeiro tempo da Sinfonía nº 40 de Mozart.
- Un karaoke renacentista que permite escoitar a audición, neste caso o Ave María de Tomás Luis de Victoria, seguir a letra e, de paso, visionar obras de arte da época relacionadas co tema.
Agora podemos pasar a experimentar coa ferramenta. Ánimo!
Matización: SlideCast admite ficheiro mp3, segundo explica Marian no seu comentario.
A música de cine BSO
As Bandas Sonoras Orixinais son un xénero musical importante onde atoparnos con compositores e momentos musicais impresionantes. Estes días puidemos escoitar e ver no Canal Clásico o concerto que Trevor Jones dirixíu á OCRTVE o ano pasado con motivo de Soncinemad. Soaba a súa propia música e hei dicir que disfrutamos moitísimo, en especial, dalgúns intres espectaculares conseguidos cunha orquestra completa reforzada con guitarra, baixo eléctrico, acordeón, sintetizador… e un coro feminino. Por certo, no mercado podemos atopar un disco dobre con este concerto.
Hai tamén moitos outros estupendos compositores como John Williams, John Barry, Ennio Morricone, José Nieto…
Para adentrarse neste mundo, propoñemos dúas páxinas:
A sinfónica de San Francisco e a educación musical
As grandes sinfónicas de USA tómanse moi en serio o tema da educación musical xa que, ademais de contribuír á formación integral dos rapaces están creando afeccionados e abonados para o futuro.
A Sinfónica de San Francisco posúe un curruncho adicado aos máis cativos. Entre outras actividades en liña, aquí pódese sintonizar unha emisora de radio, experimentar cos elementos da linguaxe musical nun laboratorio musical ou coñecer os instrumentos da orquestra. Evidentemente todo está en inglés, pero moitas actividades pódense realizar sen problemas.
Dous musicogramas para o Primeiro Ciclo de Primaria
O musicograma é un recurso que facilita a escoita musical e a identificación dalgúns elementos da música, en especial, do timbre e da forma musical. Desde logo, o mellor musicograma é a partitura. Pero hai outros máis accesibles, máis gráficos, intuitivos e, coas novas tecnoloxías, estupendos para cumprir os seus propósitos.
Traemos aquí dous musicogramas para o Primeiro Ciclo de Primaria:
- O elefante – O carnaval dos animais – Saint-Saëns. Parece ser que esta ligazón non vai. Unha mágoa!!!
- Rondó ruso
A moza dos cabelos de liño – Claude Debussy
A riqueza harmónica do Impresionismo é admirable. A creación de atmosferas sonoras exóticas, sensuais e moi suxestivas amósase coma unha das señas de identidade desta corrente estética.
O preludio para piano “A moza dos cabelos de liño” de Claude Debussy aparece analizado harmonicamente nesta ligazón. Precísase ter instalado Ruffle.
O Theremin
O Theremin foi o primeiro sintetizador da historia. Inventado polo soviético Thermen en 1919, consta dunha caixa con dúas anteas. A da esquerda (desde o punto de vista do músico) ten forma de bucle e con ela contrólase a intensidade (se aproximas a man baixa o volume e se a alonxas, sobe). A da dereita é unha antea vertical na que se controla a frecuencia (a altura do son): se achegas a man, aumenta a frecuencia (máis agudo) e se alonxas a man, diminúe a frecuencia (máis grave).
Poden comprobalo neste vídeo:
A harmónica de cristal
Iniciamos unha serie de artigos adicados a instrumentos pouco frecuentes coma a Harmónica de cristal, un instrumento perfeccionado no século XVIII por Benjamin Franklin.
Este instrumento consiste nunha serie de pratos ou cuncas de cristal superpostos e aliñados horizontalmente, atravesados por un eixo conectado a un pedal que, cunha correa, o fai xirar. Se esta estructura se toca cos dedos mollados prodúcese unha sonoridade doce, máxica. É, polo tanto, un instrumento idiófono.
Neste vídeo, correspondente á suite “O Crebanoces” de Tchaikovski, poden escoitar a “Danza da Fada de azucre”.
CPDL
CPDL é un sitio obrigatorio para músicos interesados en partituras para coro. Neste intre, hai máis de oito mil partituras de case 1300 compositores. Todas as partituras están en formato pdf, incluso de moitas delas é posible descargarse os ficheiros fonte. Está montada a páxina nun sistema wiki que facilita a colaboraciónn dos usuarios.
Iniciación á Música Clásica
Aconsellámoslles, a quen desexen iniciarse na música clásica, estas tres entregas dun estupendo “curso” escrito cun estilo desenfadado, moderno e directo. Estes cursos están no blogue Curiosoperoconarte :
- Primeira parte: CPA Musical Training
- Segunda parte: Abrindo as orellas .
- Terceira parte: A orquestra I
Werner Icking Music Archive
Podemos entrar na lista de compositores do sitio ou nas últimas partituras .