Danzas do mundo
A profesora Begoña Rodríguez realiza no seu blog Danzas del mundo unha recopilación de pezas musicais de bailes na que é posible visualizar cada danza, un texto explicativo coa descrición e o seu desenvolvemento e acceder ás músicas da cada unha delas.
Danzar é unha actividade que favorece a coordinación motora, a audición musical, a integración e socialización no grupo, a sensibilización artística e o coñecemento doutras culturas. Por iso, é unha actividade integradora e verdadeiramente competencial.
O Crebanoces – Conto en vídeo
Da man de MusicaEduca, coñecemos a existencia deste vídeo-conto sobre O Crebanoces de Tchaikovsky, creado por Eva Alonso, coas ilustracións de José Rubio Malagón e a factura ténica de Ismael Pantaleón.
Papel pautado
Un interesante recurso para configurar en liña e descargar e imprimir unha folla de papel pautado, con varias posibilidades, é a característica principal deste sitio chamado BlankSheetMusic.
O cuco no fondo do bosque – musicograma
Presentamos un estupendo musicograma realizado por Javier Olivas e Amparo Rueda sobre O cuco no fondo do bosque de O carnaval dos animais de Camille Saint-Saëns. Está publicado en audioblogmusical.
Linguaxe musical
Interesante aplicativo web que posibilita un repaso dos conceptos máis importantes da linguaxe musical, no referido a figuras musicais, silencios, reguladores e signos de repetición.
Funcionamento dun órgano de tubos
O organista Benantzi Bilbao e José María Berenguer realizaron un estupendo vídeo explicativo sobre o funcionamento dos órganos de tubos. Este vídeo emprégase ao principio dos concertos do festival internacional “Urdaibaiko Organoak Joxe Mari Eguileor”.
Así se contrúe un violín
O proceso artesanal de construción dun violín amósase neste vídeo…
Ensalada italiana
Os termos propios da linguaxe musical teñen a súa orixe no italiano. Palabras con pizzicato, tenutto, legato, appasionato, piano, con fuoco… aluden a conceptos relacionados coa expresión, coa dinámica, co tempo… Neste vídeo, un coro interpreta unha “Ensalada italiana” de Richard Geene e pode ser un bo exemplo para coñecer eses termos musicais e, o máis importante, o seu significado… Bon proveito!!
Musicograma: O valse das flores – Tchaikovsky
Realizado polo alumnado de Maxisterio de Expresión Plástica y Musical da Universidade de Málaga, presentamos este musicograma sobre o Valse das flores, da suite “O Crebanoces“, do compositor ruso Tchaikovsky.