Sinfonía 9 Novo Mundo – Dvorak – 2º Movemento
Presentamos un arranxo para frauta soprano, contralto e tenor do 2º movemento da Sinfonía nº9 do Novo Mundo de Dvorak.
O oboé de Gabriel
O oboé de Gabriel é un fragmento moi significativo da BSO composta por Ennio Morricone para a película A Misión. Aquí vos ofrecemos unha versión para oboé e cuarteto de corda realizada polo músico brasileño Isac Emerick.
Ave María Guaraní
Na BSO de “A Misión” atopámonos cunha peza sobrecolledora, por inspiración e pola súa sonoridade próxima á zona onde se desenvolve a historia. É o Ave María Guaraní
Aló entre as pallas – Panxoliña
Aló entre as pallas é unha das panxoliñas tradicionais máis coñecidas e cantadas en Galicia. Destaca a melodía da estrofa, se cadra, un chisco arranxada por algún músico.
Aló entre as pallas
Aquí en formato pdf.
Zarabanda en re menor – A. Corelli
A zarabanda, danza antiga de orixe español, escrita en compás ternario e forma binaria, adoita un aire lento e solemne en Italia e Alemaña.
Arcangelo Corelli compuxo esta zarabanda en re menor:
Unha versión reducida para piano e algo simplificada móstrase nesta partitura da mesma zarabanda en re menor
Despedida de ano vello
Por estas datas, ano novo, vida nova, cántanse as despedidas/entradas de ano que son cantos que aproveitan modelos doutras cancións galegas para reflectir unhas datas de moita diversión. Xeralmente sempre levaban acompañamento de moitos instrumentos para facer barullo e poder cantar e bailar.
Nesta Despedida de ano que presentamos podemos apreciar como se suceden tres xotas na mesma canción.
Feliz e próspero aninovo a todos/as!!!
In Dulci Jubilo
É Nadal… Hoxe, en moitas partes do noso planeta a ledicia invade a vida das persoas; noutros moitos lugares, a miseria, a guerra, a intolerancia, o deprezo polos dereitos humanos… son constitutivos do clima humano que se respira… Son as contradicións deste mundo que nos toca vivir.
Esta música que hoxe traemos aquí está chea de ledicia e, tamén, de esperanza. A melodía sobre a que a peza está construída data de 1533. É unha versión de Mike Oldfield da melodía de Nadal In dulci Jubilo. No vídeo, amósase a un xoven músico que toca todos os instrumentos.
J. S. Bach tamén empregou frecuentemente este tema. Ademais de versións para órgano, compuxo unha peza vocal, o Coral BWV 368 titulado In Dulci Jubilo, onde podemos apreciar o impresionante traballo harmónico do compositor. Comparando as dúas composicións, comprobaremos os cambios na linguaxe musical, froito da estética de cada época:
In dulci Jubilo BWV 368 by musiescola
Bach versionou esta melodía do coral para órgano en varias ocasións. No seu “Pequeno libro de órgano” realizou o coral BWV 608. Aquí aparece interpretado polo organista Szliard Kovacs:
Himno Galego
Non está de máis incluír no noso sitio, agora que se achega a conmemoración do Estatuto de Autonomía de Galicia aprobado en referendo o 21 de decembro de 1980 (xa pasaron 19 anos), a partitura do Himno Galego, composición de Pascual Veiga con letra de Eduardo Pondal.
Para obter máis información sobre o Himno Galego, prema nesta ligazón ou consulte na Galipedia.