Sonata nº 59 Mi bemol maior – Haydn

Esta sonata de Haydn amosa unha grande madurez na composición para música de tecla. Para nós, musicalmente esta sonata está preto dalgunhas sonatas de Beethoven. Atención ao Adagio Cantabile, todo un exemplo de inspiración e de estrutura ternaria.
A interpretación de Alfred Brendel é maxistral.

A música dos videoxogos – American McGee’s Alice

Na banda sonora dos videoxogos agóchanse verdadeiras obras maestras en canto á creación de atmosferas axeitadas ás diferentes escenas do xogo.
A peza Village of de Doomed do video xogo American McGee’s Alice é un exemplo. O compositor é Chris Vrenna. A atmosfera abafante que se xera é espectacular. Logo xurde ese temiña sinxelo a modo de pregunta-resposta que aumenta a presión do ambiente…

Música con bolsas de lixo

Os obxectos da vida cotiá poden converterse en instrumentos musicais. Agora tócalle a quenda ás bolsas de lixo. O feito de poder producir sons diferentes con esteas bolsas permite a creación musical con elas como instrumentos. O grupo Percussí o no amósanos unha composición para bolsas de lixo.

Finou Dietrich Fischer-Dieskau, o grande barítono

O grande barítono Dietrich Fischer-Dieskau faleceu este venres na súa casa de Berg, Baviera, aos 86 anos. Podemos dicir del que foi o barítono por excelencia no eido da interpretación dos lieds de Schubert, Schumann, Brahms e demais compositores románticos e post-románticos.

O vídeo que a continuación presentamos supón unha mostra da calidade artística do noso barítono, onde expresa con fondo sentimento e grande contención á vez o texto deste lieder de Brahms, pertencente a Catro cancións serias op 121. É a número 3, O Tod, wie bitter bist Du? (Oh, morte, que amarga es?).

Si dolce e ‘l tormento – Monteverdi

Monteverdi, unha figura que elevou á arte musical a un dos seus cumios máis salientables na historia musical, escribiu esta obra, Si dolce e ‘l tormento, neste vídeo interpretado polo grupo L’Arpeggiatta e Philippe Jaroussky. A expresividade, a fondura, a beleza da música e un exemplo da forma de facer música daquel tempo están presentes nesta fermosa e famosa obra.

Si dolce è’l tormento
Ch’in seno mi sta,
Ch’io vivo contento
Per cruda beltà.
Nel ciel di bellezza
S’accreschi fierezza
Et manchi pietà:
Che sempre qual scoglio
All’onda d’orgoglio
Mia fede sarà.

La speme fallace
Rivolgam’ il piè.
Diletto ne pace
Non scendano a me.
E l’empia ch’adoro
Mi nieghi ristoro
Di buona mercè:
Tra doglia infinita,
Tra speme tradita
Vivrà la mia fè.

[Per foco e per gelo
Riposo non hò.
Nel porto del Cielo
Riposo haverò.
Se colpo mortale
Con rigido strale
Il cor m’impiagò,
Cangiando mia sorte
Col dardo di morte
Il cor sanerò.]

Se fiamma d’amore
Già mai non sentì
Quel riggido core
Ch’il cor mi rapì,
Se nega pietate
La cruda beltate
Che l’alma invaghì:
Ben fia che dolente,
Pentita e languente
Sospirimi un dì.

Mañá de Primavera – Frederick Delius

Estamos a piques de estrear a primavera. Buscando e buscando, atopamos Mañá de Primavera, de Frederick Delius, un compositor a descubrir. Este compositor de orixe alemán, que estudiou tarde en Leipzig, que foi gran amigo de Grieg, está influenciado polo Impresionismo e polo Romanticismo tardío.

Disfruten desta mañá case primaveral, unha obra case monotemática, agradable, chea de paz, con fermoso colorido tímbrico e que rezuma amor á natureza.

Atopada unha nova obra de Brahms: Albumblatt

O pasado 15 de xaneiro saltou aos medios a aparición dunha nova obra para piano de Brahms, titulada “Albumflatt”. Esta folla de álbum foi escrita polo compositor alemán en 1853 cando contaba con 20 anos. O achádego realizouno o director de orquestra Christopher Hogwood na biblioteca musical da Universidade de Princeton.

Aquí aparece gravada por Andras Schiff:

Este tema foi empregado por Brahms no segundo movemento do Trío para trompa, violín e piano Opus 40,(no vídeo a partir do minuto 2:56):

Cuarteto para frauta en Re Maior K 285

Rematemos o ano con moi boa música e excelente interpretación… Por que non finalizar 2011 con música de Mozart? Que veñen tempos difíciles, que vai ser un ano moi duro (sobre todo para os máis necesitados…), que a crise vai durar e que o goberno entrante está a facer todo o contrario do que dixo que ía facer (si é que dixo algo concreto…) Pois a todo isto negativo queremos opoñer a luz e a ledicia que irradia do primeiro movemento; a inspiración, a intensidade e a profundidade no sentimento do segundo movemento e a perfección e galante final de festa do terceiro movemento deste fermoso Cuarteto para frauta en re maior K 285 de Mozart. Esta música ten o poder de elevarnos sobre as nosas preocupacións e fornécenos uns minutos de auténtico goce. A interpretación de Emmanuel Pahud (frauta), Guy Braunstein (violín), Ori Kam (viola) e Olaf Maninger (celo) é extraordinaria.

Poden descargar a partitura aquí.

Primeiro movemento Allegro

Segundo e Terceiro movementos