Pastoral – D. Zipoli
Órgano histórico napolitano que está no Instituto Lemmens de Bruxelas. Fantástica interpretación.
Pastorale de D. Zipoli
A illa das lembranzas – Juan Pérez Berná
Música contemporánea. Composta neste século, interpretada polo propio compositor… que máis podemos pedir!
Fermosa composición para oboe e piano onde, ao final, hai unha pequena sorpresa…
Juan Pérez Berná, oboe; Javier Vázquez Grela, piano. Conservatorio de A Coruña.
Finale da Sinfonía nº 54 Haydn
A Sinfonía nº 45 de Haydn presenta un Finale cun carácter reivindicativo. A obra foi escrita para o príncipe Nikolaus Estherházy, nunha época na que os músicos permaneceron moito tempo no pazo de verán en Eszterháza. Dado que os músicos querían voltar a casa coa súa familia, Haydn compuxo o último movemento, no adaxio final, de tal xeito que cada músico deixa de tocar, apaga a súa candea e vaise… vanse pouco a pouco ata que ao final só quedan o propio Haydn e o concertino da orquestra tocando coa sordina. A mensaxe foi captada polo príncipe e os músicos puideron, ao rematar o concerto, volver a casa.
Esta escena reviviuse no Concerto de Ano Novo 2009 pola Orquestra Filharmónica de Viena con Daniel Barenboim ao seu fronte. A interpretación dramática do director é salientable, de xeito que aporta un enfoque humorístico, moi apropiado segundo a escenografía tradicional deste concerto. A disfrutar!!!
Foise co vento – Max Steiner
Unha obra importante dentro do xénero da música para o cine é a BSO de Foise co vento (V. Fleming 1939), obra do compositor vienés Max Steiner (1888-1971). Constitúe unha máxima expresión do sinfonismo de finais do século XIX levado ata as máis elevadas cotas de expresividade. Este compositor comezou nos anos trinta a compoñer bandas sonoras ata 1965. Posúe tres premios Óscar. Escoiten a versión en directo da Film Symphony Orchestra…
Wintergatan – Marble Machine
Unha máquina, na que as canicas son os elementos causantes do son e cunha enxeñería espectacular, serve para interpretar esta música bastante sinxela, por certo.
Cuarteto con piano con piano nº 3 op 60 Brahms – III Andante
Este Andante do cuarteto con piano nº 3 op 60 de Brahms posúe un encanto especial. Formalmente é unha forma ternaria modificada ABCA’. A sección A empeza cunha melodía formada por sucesións de terceiras descendentes a cargo do violoncelo. É un melodía fermosa, potente e delicada á vez, interrogativa e afirmativa, romántica..
Aquí a interpretación dos irmáns Coucheron, piano e violín; Jennifer Stumm, viola e Efe Baltacigil, violoncelo.
Cuarteto con piano nº 1 K 478 – Mozart
Unha fermosa obra. Aquí interpretada por Alina Pogostkina (violín), Veronika Hagen (viola), Mischa Meyer (violoncelo) e Jérôme Ducros (piano).
Aquí a partitura:
Homenaxe á Señora Carmen – Malvela
A Señora Carmen, Carmen Pérez Navazal, voz solista do grupo Malvela, finou antonte aos 89 anos de idade. En 2007 publicou un disco-dvd en solitario, Na flor dos meus anos. A ela gustáballe máis cantar en grupo. Como mostra amosamos este vídeo… Grazas polo seu traballo e polo seu amor á música, ao canto e a Galicia…
O círculo da vida – O Rei León
Elton John compuxo algunhas cancións para a banda sonora do filme de Disney O Rei León. Unha das máis coñecidas é O círculo da vida.
O grupo Philippine Madrigal Singers realiza unha estupenda versión vocal do mesmo tema. Que mágoa non poder disfrutalo en directo!
Sarasate, Galicia e… Carlos Núñez
Pablo Sarasate (1844-1904) consagrou a súa vida musical ao violín (foi un dos mellores violinistas de todos os tempos) e á composición. O músico navarro compuxo obras nas que o virtuosismo e a musicalidade son esixencias imprescindibles para os intérpretes.
O zapateado, obra para violín e piano, mostra as características singulares da música de Sarasate. Case todas as técnicas interpretativas neste instrumento están condensadas na obra. No vídeo que propoñemos, o violinista Gil Shaham conxuga unha espectacular técnica e unha musicalidade extraordinaria:
Sarasate, na súa faciana compositiva, prestou moita atención ao folclore de España. Títulos como Xota aragonesa, Serenata andaluza, Zortzico de Iparraguirre… e Muiñeira. Efectivamente, Sarasate non quixo esquecer Galicia e compuxo esta Muiñeira op 32 para violín e piano.
Presentamos neste vídeo a versión con violín e orquestra.
Carlos Núñez realizou unha impresionate versión para frauta que se pode escoitar neste vídeo. É de valorar o grande e espectacular traballo interpretativo do solista:
.