O querer – Tanxugueiras
Unha mostra do bo facer deste trío de cantareiras que está realizando unha tarefa en prol do folclore galego: achegalo ás novas xeracións e a público xoven. Innovación desde o respecto ás esencias da tradición. Grazas, Tanxu…!
No pendello
No pendello é unha panxoliña tradicional galega. O folclore galego mostra a cotío no Nadal a paradoxa de que o ser máis poderoso aparece entre nós como o máis pobre do mundo. Por iso, o galego, que noutrora tamén era pobre, lévalle todo o pouco que ten, non só comida senón tamén farrapos para combater a friaxe.
No pendello – Tradiconal Galicia by musiescola
Ronde – Thielman Susato
Esta partitura de Susato, titulada Ronde, constitúe un bo exercicio para practicar o si bemol na frauta soprano.
Unha vez dominada a parte da frauta soprano podemos empregar esta partitura que ten as outras tres partes activas, a modo de acompañamento:
A horta de Balbina – Uxía Xenlle
Unha canción inclusiva para facer a dieta máis equilibrada comendo máis verduras e legumes naturais e aprender tamén os nomes destes produtos da horta, tan beneficiosos para todos e todas.
O blog da linguaxe musical de María Quintanilla
O blog de aula de María Quintanilla, El Blog de lenguaje musical, é un moi interesante lugar para coñecer o seu traballo e o do seu alumnado, os materiais que crea e as actividades nas que participa.
Czardas de Vittorio Monti
Sofia Tyurina, saxo soprano, e o pianista Denis Matsuev interpretan as Czardas de Vittorio Monti. Unha rapaza de 9 anos con moita musicalidade na súa sensibilidade musical e moita axilidade nos seus dedos acompañada por unha das primeiras figuras musicais do mundo pianístico.
Momento musical nº 3 – Sergei Rachmaninov
Os Momentos musicais op 16 de Sergei Rachmaninov son un conxunto de seis pezas que cada unha delas pode ser interpretada ailladamente. A número 3 describe un momento de ensoñación. Está en si menor, en compás de catro por catro, e na sección central aparece un stacatto de oitava na man esquerda que muda o ritmo inicial. É unha obra dominada por un fondo sentimento de tristura e resignación. Fermosa!
Neste vídeo está interpretada por Vadim Chaimovich
Balada – Debussy
Unha peza fermosa, unha melodía moi traballada harmonicamente, con sonoridades diferentes… A interpretación de Kathryn Stott é espléndida… A calidade do son, non tanto!