Agora que pasou o Día do Libro e que para o mes chegan as Letras Galegas, traemos unha referencia ao traballo de Susa Herrera coa colaboura de Mamá Cabra. Acaba de saír unha nova publicación froito deste traballo: Todos os animais ao caixón da editorial PrimeraPersona. A idea é, a partir dun conto con magníficas ilustracións, aprender unha canción relacionada con el. Con isto preténdese o fomento da lectura así coma a educación musical do alumnado máis cativo. Unha mostra podería ser esta, titulada Un peixe moi divertido: