Por fin atopamos algo que andabamos a buscar desde había moito tempo. Aínda que a calidade da imaxe non é a ideal, aquí lles ofrecemos a Guía da Orquestra para mozos, interpretada por Michael Tilson Thomas e a Sinfónica de Londres.
Nov252007
Nov252007
Por fin atopamos algo que andabamos a buscar desde había moito tempo. Aínda que a calidade da imaxe non é a ideal, aquí lles ofrecemos a Guía da Orquestra para mozos, interpretada por Michael Tilson Thomas e a Sinfónica de Londres.
Nov52007
Nosvemosenelblog amósanos un estupendo vídeo realizado polo debuxante italiano Osvaldo Cavandoli no que nos ofrece a súa versión da Sonata KV 545 en do maior de W.A.Mozart, nos seus dous primeiros tempos. É unha delicia. Grazas, Marian, polo túa incesante procura de recursos e por compartir os resultados con todos…
Nov42007
Temos nas nosas mans unha pequena xoia. Trátase da reedición do “Cancionero Gallego” de Martínez Torner e Bal y Gay que a Fundación Pedro Barrié de la Maza vén de realizar co gallo do seu corenta aniversario.
É unha fermosa edición facsímil que conta, ademais, cun magnífico estudo crítico do profesor Carlos Villanueva.
Non sería boa idea que a Consellería de Educación, soa ou xuntamente coa de Cultura, financiasen unha edición menos luxosa deste cancioneiro pero útil e imprescindible para as aulas de música e bibliotecas dos nosos centros de ensino de Primaria, Secundaria e Conservatorios? O estudo deste cancioneiro e a súa adaptación e incorporación ao repertorio escolar revitalizaría e aumentaría o coñecemento e a valoración do noso folclore galego, sería un modelo para futuras investigacións neste eido e contribuiría notable e eficazmente na normalización do Galego. Non sería esta unha inversión totalmente rendible?
Déixense de tanto plan, plan e plan e acometan medidas sinxelas, realistas e eficaces.
Nov22007
E seguimos con… Bach. A cantata do café BWV 211 preséntanos unha aria cunha melodía con baixo continuo, soprano e frauta traveseira… É coma se fose un dúo entre a voz e o instrumento de vento madeira.