Arquivos mensuais: Xullo 2007

Usos didácticos de Slideshare en Educación Musical

  • Autor da entrada:
  • Categoría da entrada:RecursosXeral

Slideshare constitúe unha ferramenta web que permite introducir presentacións tipo power point, odp (formato de OpenDocument) e pdf en distintas plataformas como CMS, blogs…

Agora Slideshare admite tamén audio, en formato wave (tamaño moi grande dos ficheiros). É o que chaman SlideCast. Se unimos a presentación co audio o resultado dá unha ferramenta moi útil para a Educación Musical. Vexamos algúns exemplos estupendos que Nos vemos en el Blog nos ofrece:

  • Un musicograma do primeiro tempo da Sinfonía nº 40 de Mozart.
  • Un karaoke renacentista que permite escoitar a audición, neste caso o Ave María de Tomás Luis de Victoria, seguir a letra e, de paso, visionar obras de arte da época relacionadas co tema.

Agora podemos pasar a experimentar coa ferramenta. Ánimo!

Matización: SlideCast admite ficheiro mp3, segundo explica Marian no seu comentario.

Unha melodí­a magnífica… de Bach

O Concerto nº 5 para clave e orquestra de J.S.Bach BWV 1056, no seu Adaxio, encerra unha sublime melodí­a perfectamente realzada polo pizzicatto da corda. Aquí­ ímolo escoitar na versión para piano, non no orixinal, porque nos tempos de Bach os instrumentos de tecla importantes eran o clavecí­n e o órgano.
Queremos destacar tamén o traballo do pianista canario Iván Martín, co seu proxecto Bach.

25 de xullo. Día de Galicia.

Galicia faise día a día. O 25 de xullo ten moitos significados, case tantos coma galegos. Para uns é un día de festa; para outros,un dí­a de festa relixiosa; para outros é un día de reivindicación e para outros, un día coma outro calquera. Cada un que lle dea o seu propio significado.
Para festexar esta data traemos a primeira estrofa do poema de Ramón Cabanillas, Galicia:

¡Galicia! Nai e Señora

sempre garimosa e forte;

preto e lonxe; onte, agora,

mañán… na vida e na morte!

Tamén publicamos o Himno Nacionalista Galego, con letra de Alfredo Brañas e Música de Iglesias Alvariño.

Pange Lingua 5º ton – Bruna

O Pange Lingua de 5º ton de Pablo Bruna (1611-1679) é unha obra baseada no Pange Lingua mozárabe que era moi popular daquela. Soa na man esquerda mentres que a man dereita vai desenvolvendo imitacións entre dúas voces con trocos rítmicos.
Esta partitura é a primeira que edito directamente co programa Lilypond (levoume unha chea de horas).
Formato pdf
Aquí está en Musescore:

A música de cine BSO

  • Autor da entrada:
  • Categoría da entrada:RecursosXeral

As Bandas Sonoras Orixinais son un xénero musical importante onde atoparnos con compositores e momentos musicais impresionantes. Estes días puidemos escoitar e ver no Canal Clásico o concerto que Trevor Jones dirixíu á OCRTVE o ano pasado con motivo de Soncinemad. Soaba a súa propia música e hei dicir que disfrutamos moitísimo, en especial, dalgúns intres espectaculares conseguidos cunha orquestra completa reforzada con guitarra, baixo eléctrico, acordeón, sintetizador… e un coro feminino. Por certo, no mercado podemos atopar un disco dobre con este concerto.
Hai tamén moitos outros estupendos compositores como John Williams, John Barry, Ennio Morricone, José Nieto…
Para adentrarse neste mundo, propoñemos dúas páxinas:

A sinfónica de San Francisco e a educación musical

  • Autor da entrada:
  • Categoría da entrada:RecursosXeral

As grandes sinfónicas de USA tómanse moi en serio o tema da educación musical xa que, ademais de contribuír á formación integral dos rapaces están creando afeccionados e abonados para o futuro.

A Sinfónica de San Francisco posúe un curruncho adicado aos máis cativos. Entre outras actividades en liña, aquí­ pódese sintonizar unha emisora de radio, experimentar cos elementos da linguaxe musical nun laboratorio musical ou coñecer os instrumentos da orquestra. Evidentemente todo está en inglés, pero moitas actividades pódense realizar sen problemas.

Dous musicogramas para o Primeiro Ciclo de Primaria

  • Autor da entrada:
  • Categoría da entrada:Recursos

O musicograma é un recurso que facilita a escoita musical e a identificación dalgúns elementos da música, en especial, do timbre e da forma musical. Desde logo, o mellor musicograma é a partitura. Pero hai outros máis accesibles, máis gráficos, intuitivos e, coas novas tecnoloxías, estupendos para cumprir os seus propósitos.

Traemos aquí dous musicogramas para o Primeiro Ciclo de Primaria:

Libertango

A liberdade na arte, a liberdade dentro dun xénero, a liberdade… Piazzolla compuxo Libertango, unha peza que chama a atención pola súa orixinalidade rítmica e melódica dentro dos cánones do tango.

A escoitala, interpretada polo propio autor e o seu quinteto, nesta gravación no programa do grande da divulgación musical Ángel Casas, en 1985.