Nesta páxina titulada "Canciones tradicionales" o autor fai unha escolma de cancións tradicionais organizada por continentes e países. Adxúntanse mp3 obtidos desde Youtube e partituras de calidade en formato pdf, descargable para usuarios rexistrados (rexistro de balde)
Esta é a melodía e a tradución sobre a que se basou o coral BWV 654 para órgano de J.S.Bach. Ao mesmo tempo serve de mostra do uso de Google Docs para compartir documentos e inserilos en blogs e webs.
Moisés Quintas vén de presentar a súa publicación titulada "Guía didáctica de instrumentos galegos". O autor presenta unha exhaustiva clasificación e descrición dos instrumentos galegos e as súas partes, coa súa etimoloxía, orixe e evolución.
Ilustrada con máis de 100 fotografías e acompañada de 40 pistas de audio con todos os instrumentos, esta guía preséntase como unha excelente e práctica ferramenta
de apoio para o coñecemento e ensino da música galega. O CD inclúe ademais unha pista interactiva en formato web con múltiples recursos e un obradoiro para a
construción de instrumentos sinxelos.
Os teléfonos Nokia popularizaron unha melodía que, utilizada de xeito predeterminado, soou e aínda soa en moitos dos seus terminais. Esta melodía está extraída do Grande Valse para guitarra de Tárrega. Neste vídeo, a primeira vez que se escota o tema é no segundo 15.
Inspirándose na técnica compositiva do contrapunto e fuga, ao xeito de Bach, o compositor Vincent Lo presenta a Fuga Nokia op.31, que ten como tema esas poucas notas. Comproben o que o tema pode dar de si...:
O pianista Marc-André Hamelin tamén realizou os seus experimentos e compuxo o Valse Irritation d'après Nokia, unha pequena peza que escoitamos e da que podemos ver a partitura:
Esta Zarabanda, de autor anónimo do século XVIII, está recollida no libro Flores de Música que o organista franciscano Martín y Coll recopilou. É unha peza sinxela para iniciarse no mundo do teclado.
Aquí en formato pdf.
JPAGE_CURRENT_OF_TOTAL
