Musicanaescola

Música para todos e todas

  • Aumentar o tamaño da letra
  • Tamaño de letra por defecto
  • Disminiur o tamaño da letra
Musicanaescola

Día das Letras Galegas 2010

Correo-e Imprimir

17 de maio de 2010: Día das Letras Galegas.

Este ano está adicado ao poeta de O Courel, Uxío Novoneyra. A paisaxe, a fauna e a xente deste espazo natural galego está presente en toda a súa obra poética.

O galego, como lingua que o ensino debe promocionar e difundir, ten un oscuro futuro nas mans da administración galega actual. O novo decreto do galego que o goberno quere sacar adiante, conta cun rexitamento case unánime: da Academia Galega da Lingua, do Consello Consultivo de Galicia, do Consello da Cultura Galega, do Consello Escolar de Galicia, dos sindicatos de ensinantes, da maoría das asociacións de nais e pais, das asociacións estudiantís e dunha chea de organizacións culturais e profesionais do país. Sen embargo, a cousa semella avanzar, e en contra da meirande parte da comunidade escolar, en breve, a coitelada á nosa lingua deixaraa ferida gravemente, nuns intres nos que o galego, sobre todo entre a poboación xove, está caendo en desuso dun xeito alarmante.

A esperanza é o único que podemos perder. Sirva esta Letanía de Galicia como homenaxe a este escritor que enriqueceu a nosa lingua e a levou a altas cotas literarias, nunha produción moi orixinal:

Última actualización feita o Luns, 17 Maio 2010 15:07
 

Os instrumentos musicais na tradición galega

Correo-e Imprimir

"Os instrumentos musicais na tradición galega" de Pablo Carpintero é un libro que, segundo o autor, pretende poñer de manifesto a nosa riqueza de instrumentos musicais e aproximarnos á súa historia. O libro comeza cunha clasificación sistemática dos instrumentos galegos seguindo a Sachs para despois propoñer o propio autor unha clasificación galega dos mesmos, baseada na dicotomía facer melodía/facer acompañamento (ruído) enriquecida con cuestións como quen toca, como toca, onde toca, con quen toca, para que toca, por que toca, para quen toca. Sen embargo, á hora de presentar os instrumentos galegos o autor emprega a clasificación sistemática de Sachs e Hornbostel.

De cada instrumento trátase a súa orixe e historia, o modo de construílo, as formas de facelo soar, con fotografías e ilustracións de grande calidade. Ademais, é frecuente que se recollan cantigas onde o instrumento é o protagonista, de xeito que obtemos valiosa información sobre o contexto socio-cultural que encerra o uso de cada instrumento.

A calidade e sistematización da información, as magníficas fotografías e ilustracións, o contexto social e cultural que se reflicte na presentación de cada instrumento, fan que a consideremos unha obra importante e básica para o coñecemento da nosa riqueza instrumental e poidamos así protexer e difundir o noso patrimonio.

Instrumentos galegos

Última actualización feita o Sábado, 27 Febreiro 2010 11:29
 

Primeiras composicións de Chopin. Edición antiga

Correo-e Imprimir

A Biblioteca da Universidade de Chicago dixitalizou bastantes obras de Chopin. Esta colección de Chopin posúe preto de 400 edicións impresas das súas primeiras composicións.

Ligazón

 

Frescobaldi: LilyPond para KDE

Correo-e Imprimir

Frescobaldi é un aplicativo que axuda moito na edición de partituras con LilyPond. Está deseñado para o ambiente de escritorio KDE, que se emprega con Linux, pero que tamén se pode usar con Windows ou MacOS, unha vez instalado previamente o escritorio en cada un deses sistema operativos.

A medida que se vai escribindo o código da partitura, Frescobaldi posibilita a súa visualización inmediata. Tamén facilita a edición coa sintaxe coloreada, o autocompletado de etiquetas,  axuda coa plantillas que posúe...

Imaxe de Frescobaldi

Está traducido, entre outros idomas, a castelán e galego.

Última actualización feita o Luns, 05 Abril 2010 10:50
 

Titorial de Rosegarden

Correo-e Imprimir

Rosegarden é un secuenciador de audio e MIDI, editor de partituras e contorno xeral para a edición e composición musical. É software libre baixo licenza GPL, desenvolvido para GNU/Linux, ALSA e o ambiente de escritorio KDE, aínda que funciona tamén en GNOME.

Imaxe de Rosegarden

Aquí temos ligazóns a un titorial realizado en ABCMúsicos moi útil:

 


JPAGE_CURRENT_OF_TOTAL