É Nadal… Hoxe, en moitas partes do noso planeta a ledicia invade a vida das persoas; noutros moitos lugares, a miseria, a guerra, a intolerancia, o deprezo polos dereitos humanos… son constitutivos do clima humano que se respira… Son as contradicións deste mundo que nos toca vivir.
Esta música que hoxe traemos aquí está chea de ledicia e, tamén, de esperanza. A melodía sobre a que a peza está construída data de 1533. É unha versión de Mike Oldfield da melodía de Nadal In dulci Jubilo. No vídeo, amósase a un xoven músico que toca todos os instrumentos.
J. S. Bach tamén empregou frecuentemente este tema. Ademais de versións para órgano, compuxo unha peza vocal, o Coral BWV 368 titulado In Dulci Jubilo, onde podemos apreciar o impresionante traballo harmónico do compositor. Comparando as dúas composicións, comprobaremos os cambios na linguaxe musical, froito da estética de cada época. Aquí está a partitura do Coral BWV 368.
As Variacións Goldberg é unha obra que todo concertista de instrumento de tecla debería afrontar ao longo da súa carreira. Hai moitas versións e interpretacións.
Unha nova versión da popular Tocata e fuga en re menor de J. S. Bach. Esta vez en forma de quinteto de metais a cargo de Canadian Brass. Unha espectacular interpretación non só pola súa variedade tímbrica senón tamén magnífica técnica que amosa o grupo tanto individual como colectivamente. Á vez, este vídeo serviría para traballar dun xeito activo os instrumentos de vento metal.
E seguimos con… Bach. A cantata do café BWV 211 preséntanos unha aria cunha melodía con baixo continuo, soprano e frauta traveseira… É coma se fose un dúo entre a voz e o instrumento de vento madeira. Se queren coñecer o significado da letra, poden visitar este artigo de Nos vemos en el blog.
Tamén poden disfrutar deste Slidecast feito por Marian, con orixinais ilustracións realizadas na escuma do café con leite…
A marimba é un instrumento idófono, de percusión, con láminas. É un instrumento de son afinado e polifónico. As súas láminas son de madeira e cada lámina posúe un tubiño afinado na mesma nota que constitúe a caixa de resonancia e amplifica o son.
Neste vídeo, o intérprete toca unha transcrición de música para violín de Bach. Nesta interpretación escoitamos unha magnífica lectura da música de Bach e unha grande musicalidade.
Un musicograma animado, baseado sobre todo na altura e na discriminación dos diferentes temas e voces con diferentes cores, aporta unha nova visión a esta partitura: Tocata e fuga en re menor:
O Concerto nº 5 para clave e orquestra de J.S.Bach BWV 1056, no seu Adaxio, encerra unha sublime melodía perfectamente realzada polo pizzicatto da corda. Aquí ímolo escoitar na versión para piano, non no orixinal, porque nos tempos de Bach os instrumentos de tecla importantes eran o clavecín e o órgano.
Queremos destacar tamén o traballo do pianista canario Iván Martín, co seu proxecto Bach.
En versión para órgano ofrecémoslles a peza tan famosa e popular que J.S.Bach incluiu na súa suite nº 3 para orquestra de cordas: Air de Suite en Re Maior BWV 1068.
Para usuarios de Linux ou que só desexen visualizar ou imprimir sen escoitar esta peza, ofrecémola en formato pdf.
