Miguel López estaba a realizar os seus traballos musicais cotiás cando, coa toma de posesión de Donald Trump, ocorréuselle expresar os seus sentimentos ante un acontecemento que presaxiaba unha chea de nubes grises sobre o mundo. Xuntou dous temas para construír o primeiro movemento dunha sonata sobre “o efecto Trump”. O segundo tema é unha modificación maxistral do Himno da Alegría. O primeiro tema, a que vos soa?

Este famoso, inspirado e fermoso Adagio do ballet Espartaco e Frixia de Aram Khachaturian vai ser o protagonista da audición destes días. Imos disfrutar de tres versións:

Orquestral – Orquestra Sinfónica da Universidade de Carolina do Norte:

Piano e orquestra – Boris Berezovsky (piano); Russian Philharmonic e Fabio Mastrangelo como director:

Ballet – Con Carlos Acosta e Nina Kaptsova:

A violonista Lina Tur vén de publicar o seu último vídeo cunha versión de A Folía, a Sonata op. 5 nº 12 de Arcangelo Corelli.
O termo folía pode referirse a unha danza que se creou en España (non se sabe se na zona galaico-portuguesa ou en Valencia) ou a un tema musical que segue un esquema harmónico sobre o que se realizan unha serie de varacións.

Aquí a partitura.

Tempos difíciles estamos a vivir. A música é a linguaxe universal, capaz de unir pobos e persoas diferentes, pero que comparten sentimentos e vivencias. Contra os vellos ou novos muros, MÚSICA.
Unha mostra de fusión cubana e mexicana do compositor mexicano Arturo Márquez…. O director Christian Vasquez e a Orquesta Sinfónica de Galicia regálannos unha fermosa versión desde aquí, nun curruncho da Península Ibérica.