Neste mundo hai de todo… menos mal!
Se queren coñecer a posible relación entre o cacarexo das pitas e a música de Bach, lean esta nova.
Out162007
Out162007
Neste mundo hai de todo… menos mal!
Se queren coñecer a posible relación entre o cacarexo das pitas e a música de Bach, lean esta nova.
Out142007
Así coma no órgano, existe un rexistro grave chamado Subbaixo, tamén na familia da frauta doce, pódese contruír e empregar a frauta subcontrabaixo. Vexan o seguinte vídeo no que se presenta este instrumento, afinado a 432, é dicir, case un semitón menos ca a afinación actual, propio da música antiga:
Out142007
Un musicograma animado, baseado sobre todo na altura e na discriminación dos diferentes temas e voces con diferentes cores, aporta unha nova visión a esta partitura: Tocata e fuga en re menor:
Out72007
Despois do artigo anterior no que tratamos a música de Rameau, agora tócalle a quenda á súa música: Os salvaxes que pertence á quinta suite das “Novas suites para clavecín” que apareceron en 1.728.
Nesta partitura omitimos calquera signo referido aos adornos.
Dispoñible tamén en pdf.
Set302007
Rameau é un dos grandes do Barroco Francés. O seu traballo teórico (sistematizou a harmonía da súa época e comezou dentro dos acordes coas súas inversións), como clavecinista (xunto con Couperin, os dous grandes) e, sobre todo, no terreo da ópera, a ópera-ballet ata chegar á comedia-ballet, fan del unha figura senlleira e única.
Onte puidemos disfrutar da comedia-ballet “Les Paladins“, en MezzoTv, que pasan por Digital+ (por certo, unha marabilla de canle). Pasei un tempo totalmente evadido do mundo escoitando a beleza da música, unha música que soa a popular pero sen ter esa orixe, unha música viva, unha música que che pon en movemento dada a súa riqueza e viveza rítmica e contemplando unha posta en escea áxil, divertida, moderna, que tira partido das novas tecnoloxías, unhas danzas actuais pero con aires da época… Unha realización e un espectáculo completo. ¡Grazas, Mezzo TV!
Set132007
Carl Phillip Manuel Bach é, posiblemente, o mellor músico da descendencia do xenial J.S.Bach. Xa case dentro do período Clásico, as súas obras semellan unha ponte entre o estilo do Barroco e o novo Clasicismo.
Ofrecemoslles a partitura da obra para piano titulada Solfeggietto .
Set92007
A Comunidade de Madrid editara a finais dos 90 unha serie de vídeos sobre os instrumentos da orquestra. Nos vemos en el blog veñen de publicar na rede para compartir estes vídeos comezando polos instrumentos de corda.
Ago212007
A música antiga española é un recurso interactivo creado por Juan Carlos de Miguel Sanz destinado a alumnos de ESO e Bacharelato. Está pensado para traballar aspectos coma os músicos, as formas, os instrumentos, a música, as fontes…
Xul312007
Slideshare constitúe unha ferramenta web que permite introducir presentacións tipo power point, odp (formato de OpenDocument) e pdf en distintas plataformas como CMS, blogs…
Agora Slideshare admite tamén audio, en formato wave (tamaño moi grande dos ficheiros). É o que chaman SlideCast. Se unimos a presentación co audio o resultado dá unha ferramenta moi útil para a Educación Musical. Vexamos algúns exemplos estupendos que Nos vemos en el Blog nos ofrece:
Agora podemos pasar a experimentar coa ferramenta. Ánimo!
Matización: SlideCast admite ficheiro mp3, segundo explica Marian no seu comentario.
Xul282007
O Concerto nº 5 para clave e orquestra de J.S.Bach BWV 1056, no seu Adaxio, encerra unha sublime melodía perfectamente realzada polo pizzicatto da corda. Aquí ímolo escoitar na versión para piano, non no orixinal, porque nos tempos de Bach os instrumentos de tecla importantes eran o clavecín e o órgano.
Queremos destacar tamén o traballo do pianista canario Iván Martín, co seu proxecto Bach.