Blogue-Musicanaescola » Xeral

Artigo sobre o violinista Manuel Quiroga

xixirei — Sat, 07 Jan 2012 15:48:55 +0000

O profesor José Luis Fernández Díaz vén de publicar en La Region un interesante e acertado artigo sobre o violinista nacido en Pontevedra Manuel Quiroga co gallo da exposición que sobre este magnífico músico galego organiza a Deputación de Pontevedra.

Felicitación de Nadal de Musicanaescola

xixirei — Sun, 25 Dec 2011 11:05:42 +0000

Concerto de Nadal do Coro Universitario de Ourense

xixirei — Fri, 09 Dec 2011 21:05:53 +0000

O Coro Universitario Schola Cantorum de Ourense actuará nun concerto de música sacra e de nadal o vindeiro domingo 18 de decembro de 2011 ás 18:00 h. na Igrexa de San Breixo (Seixalbo) coa intervención do tenor Baldomero Pavón.

A vida musical en Cerdedo (Pontevedra) entre 1850-1950

xixirei — Fri, 10 Dec 2010 15:20:00 +0000

Un estudo realizado por Manuel Campos Toimil, da Asociación Cultural Os Abrentes, sobre a vida musical no concello de Cerdedo (Pontevedra) vén de publicarse baixo o título As bandas de música de Cerdedo.
Máis información.

Na punta do pé – Pedeslán

xixirei — Wed, 08 Dec 2010 17:22:12 +0000

A Editorial Kalandraka vén de presentar no Culturgal o libro Na punta do pé, que contén ademais un CD e un DVD coas músicas, as partituras, os esquemas rítmicos e as coreografías, gravadas en vídeo para aprendelas máis doadamente. Este interesante traballo corre a cargo do grupo Pedeslán. A música e as danzas pertencen ao patrimonio galaico-portugués.

Neste vídeo pódense ver detalles do proxecto.

Semana de Santa Icía 2010 no CMUS de Ourense

xixirei — Sun, 21 Nov 2010 10:14:52 +0000

O grupo Ars Anterga intervirá na Semana Musical Santa Icía 2010 do Conservatorio de Música Profesional de Ourense cun concerto o vindeiro xoves, día 25 de novembro, ás 19:15 h na Sala de Órgano, interpretando un programa no que se inclúen algunhas das Cantigas de Santa María de Afonxo X O Sabio, as Cantigas de Amigo de Martín Códax e unha pequena selección de obras do Renacemento hispano.

O conto dos silencios

xixirei — Mon, 01 Nov 2010 16:36:58 +0000

Na biblioteca do CEIP Curros Enríquez de Celanova celebraron o mes da biblioteca realizando un conto en vídeo titulado «O conto dos silencios» de Silvia Pazos e Rodrigo Chao. A realización correu a cargo de Coral Real e Luis Real. Un relato onde se explica o nacemento do silencio na linguaxe musical.

Intento de censura no traballo do EDLGA do CPI Aurelio Marcelino Rey García de Cuntis

xixirei — Sat, 16 Oct 2010 09:38:17 +0000

O EDLGA do CPI Aurelio Marcelino Rey García de Cuntis denuncia na súa páxina web un intento de censura por parte dun colectivo que esixe perante o Valedor do Pobo a retirada dun vídeo nunha entrada realizada por unha alumna do centro acerca dun grupo musical que actuou na vila pontevedresa nun festival organizado en 2008 e patrocinado polo Concello, diversas consellerías da Xunta de Galicia e a Radio Galega.

Nós apoiamos ao Equipo de dinamización da lingua galega do centro de Cuntis no seu traballo, na súa postura inicial ante o conflito e na súa decisión de denunciar publicamente os feitos que están a acontecer e que só pretenden desprestixiar o traballo dos docentes e atacar á nosa lingua.

XXI Ciclo de Órgano e Música Antiga de Xunqueira de Ambía

xixirei — Sun, 08 Aug 2010 08:58:59 +0000

No mes de agosto é tradicional a cita co órgano ibérico de Xunqueira de Ambía, Ourense. O XXI Ciclo de Órgano e Música Antiga, organizado polo Concello de Xunqueira de Ambía co patrocinio do Xacobeo 2010, programa catro concertos os días 8, 15, 22 e 29 de agosto. Este ano o protagonista absoluto do ciclo é Canco López e o grupo Ars Combinatoria. Temos tamén que salientar o concerto do día 22 a cargo do magnífico organista Jesús Gonzalo quen estamos seguros confeccionará un programa atractivo, variado e divertido para o público.
Poden acceder ao programa premendo nesta ligazón.

Música en el Claustro 2010 – Tui

xixirei — Sun, 01 Aug 2010 11:14:16 +0000

Xa está preparada a nova edición do ciclo Música en el Claustro, en Tui. Este ano, a variada oferta musical abrangue desde a música sefardí, con Ana Alcaide, ata as tendencias máis contemporáneas, co grupo Projecto de Foles. O ano Xacobeo será o fío conductor e, para apoiar aos xóvenes músicos de Tui, antes de cada concerto intervirán diferentes agrupacións xurdidas do Conservatorio de Tui. O festival comeza o 24 de agosto.

Máis información, aquí.