Blogue-Musicanaescola » Tecnoloxía Informática

MuseScore 1.1

xixirei — Thu, 02 Feb 2012 16:52:03 +0000

A versión 1.1 do aplicativo de edición de partituras MuseScore ten como finalidade mellorar a súa estabilidade e fiabilidade, a correción de máis de 60 erros, perfeccionar a notación de Jazz e incluír scripts para facilitar o traballo editor neste xénero musical e abrir o aplicativo á comunidade mediante as lapelas de MuseScore Connect, que dá acceso ás partituras compartidas polos usuarios de MuseScore en musescore.com, as últimas noticias publicadas na canle en Twitter e tutoriais de vídeo para comezar con MuseScore.

Para descargalo premer na ligazón.

Frescobaldi 2

xixirei — Thu, 02 Feb 2012 16:47:15 +0000

Frescobaldi 2 é un editor de partituras que facilita o traballo con Lilypond. Nesta versión, ademais de estar dispoñible para KDE, publícase un instalador completo para o sistema operativo Windows. A versión para MacOS X xa está planeada.
Páxina para descargar

Frescobaldi:Lilypond para KDE

xixirei — Sun, 05 Dec 2010 10:33:33 +0000

Frescobaldi é un aplicativo que axuda moito na edición de partituras con LilyPond. Está deseñado para o ambiente de escritorio KDE, que se emprega con Linux, pero que tamén se pode usar con Windows ou MacOS, unha vez instalado previamente o escritorio en cada un deses sistema operativos.

A medida que se vai escribindo o código da partitura, Frescobaldi posibilita a súa visualización inmediata. Tamén facilita a edición coa sintaxe coloreada, o autocompletado de etiquetas, axuda coa plantillas que posúe…

Está traducido, entre outros idomas, a castelán e galego.

10 sitios para descargar de balde efectos de son

xixirei — Sat, 28 Aug 2010 08:01:33 +0000

Excelente artigo de Iván Lasso en Genbeta no que se presentan 10 sitios de onde descargar de balde efectos de son, en formatos variados, apropiados para traballos multimedia.

Este artigo completa estoutro artigo anteriormente editado.

MuseScore 0.9.6

xixirei — Sun, 04 Jul 2010 08:09:35 +0000

Vén de saír a nova versión do editor de partituras multiplataforma, baixo licenza GNU CPL, MuseScore 0.9.6.

WYSIWYG (o que se ve é o que se obtén), as notas escríbense nunha «partitura virtual»
Número ilimitado de pentagramas
Até catro voces por pentagrama
Inserción de notas doada e rápida con rato, teclado ou MIDI
Secuenciador integrado e sintetizador por software FluidSynth
Importa e exporta MusicXml e ficheiros MIDI estándar (SMF)
Código en plataforma independente, ficheiros binarios accesíbeis para Linux, Mac e Windows
Disponíbel en 26 linguas
Licenza GNU GPL

Canorus

xixirei — Wed, 23 Dec 2009 10:54:46 +0000

Canorus é un editor de partituras gratuito para Linux, Windows e MacOs que se está a desenvolver amodiño. Chaman a atención algúns módulos que se queren implementar, como o módulo harmonía.

Harmony Assistant

xixirei — Tue, 08 Dec 2009 17:58:31 +0000

Harmony Assistant é un interesante editor para Windows e MacOS con boa relación prestacións/prezo. É salientable o módulo de voz para escoitar as partituras vocais. A casa Myriad posúe unha excelente ferramenta chamada PDFtoMusicPro que interpreta a música contida nun ficheiro pdf, non sobre pdf feitos a base de imaxes escaneadas. Tamén exporta o contido do pdf a formato xml, co que se pode abrir en calquera editor profesional de partituras.

MuseScore 0.9.5

xixirei — Tue, 18 Aug 2009 22:01:15 +0000

Vén de saír o novo MuseScore 0.9.5, o editor de partituras de balde para Linux, Windows e, desde agora, para MacOS X.
Hai moitísimas novidades moi interesantes que melloran e enriquecen considerablemente este editor. Ademais, fronte ao seu competidor, Finale NotePad (que agora xa non é de balde), posúe grandes avantaxes: é un programa que aspira a ser completo, é de código libre, está traducido a moitos idiomas (entre eles o galego) e permite unha edición de partituras complexas.

Pola democracia no software. Pola democracia no idioma

xixirei — Wed, 15 Jul 2009 13:17:00 +0000

Todos os gobernos fan unhas cousas mellor e outras peor. O bipartito tivo os seus fallos mais unha das cousas boas que fixeron foi a de lanzar o centro de software libre Mancomún. Durante os últimos anos Mancomún mantivo actualizados en galego os programas informáticos máis usados como o navegador (Firefox) ou a ofimática (OpenOffice). O Galinux, un sistema operativo para poder ter a computadora completamente en galego tamén foi unha iniciativa de Mancomún.

Durante a campaña eleitoral o Partido Popular prometeu implantar o software libre, pero agora que están na Xunta ameazan con desmantelar Mancomún, e nós queremos evitalo. Se tí tamén queres que Mancomún continúe funcionando, axúdanos sumándote a esta campaña: clica nesta ligazón para enviarlles agora un correo electrónico.

_________

Nota: esta é unha réplica da nova publicada en ciberirmandade, o luns 13 Xullo 2009, por mor de que A Xunta ameaza con desmantelar Mancomún. Nova publicada tamén en ciberirmandade.

VLC-1.0.0

xixirei — Wed, 08 Jul 2009 15:35:29 +0000

Veñen de publicar a versión final do reprodutor multimedia de código aberto VLC-1.0.0. É compatible con moitos formatos de audio e vídeo. Ofrece moi boa calidade. Está dispoñible para Linux, MacOSX e Windows. Pódese descargar nesta ligazón.