Don Sancho
Martes, 29 de Decembro de 2009
Sen comentarios
Arquivo
Arquivo para a categoría ‘Partituras para clase’
Danza de Hércules – Susato
Luns, 11 de Maio de 2009
Sen comentarios
Nesta partitura da Danza de Hércules, de Tielman Susato, compositor, instrumentista e editor de música flamenco do período renacentista, empréganse dúas frautas soprano e unha contralto. A forma musical ternaria (ABA) amósase dun xeito moi claro posto que hai un cambio no compás.
Minueto – Krieger
Domingo, 10 de Maio de 2009
Sen comentarios
Este Minueto de Krieger, versión para dúas frautas, permite ao alumnado adentrarse no complexo pero fantástico mundo do contrapunto. Este tipo de textura é allea, na meirande parte dos casos, ao mundo musical actual, e sobre todo, ao que enche os reproductores mp3 cos que o alumnado escoita música. Sen embargo, coñecer supón ser máis libre e máis rico. Comezar polo sinxelo constitúe o mellor camiño para poder disfrutar logo de inmensas arquitecturas sonoras de compositores barrocos como Bach, Haendel ou Buxtehude.
Un maio
Domingo, 10 de Maio de 2009
Sen comentarios
No mes de maio en moitas zonas de Galicia constrúense maios e invéntanse unhas coplas con aire crítico que os neos e os maiores cantan.
En Ourense celébranse o dia 3 de maio, festa da Santa Cruz. Por iso, o maio enxebre é unha pirámide que remata nunha cruz, feita de madeira, tea de saco, brións e colares de carrabouxos e flores de xesta branca e amarela. Logo están os maios artísticos que representan escenas típicas.
Traemos aquí unha cantiga de maio, concretamente de Vilalba (Lugo) que aparece no Cancioneiro de Torner e Bal y Gay. Si, nese cancioneiro que debería estar obrigatoriamente nas aulas de música de todas as escolas galegas… A melodía é alegre cunha inflexión no final da primeira semifrase moi lírica.
Dispoñible en pdf
Tamboril chinés – Vicenzo Billi
Xoves, 27 de Decembro de 2007
Sen comentarios
Unhas rapazas interpretaron en clase de música a catro mans esta peza. Aos seus compañeiros encantoulles. Por iso, ofrecémoslles unha versión para piano e frauta doce da danza Tamboril chinés de Vicenzo Billi.
Tamén en formato pdf.
Das Klinget – A Frauta Máxica – Mozart
Sábado, 17 de Marzo de 2007
Sen comentarios
Das Klinget é un anaquiño de música de “A Frauta Máxica” de Mozart ben entrañable. A versión aquí ofrecida está realizada para frautas soprano e contralto, carillón e demais PAD. Está transportada a Do maior (o orixinal en Sol Maior). A parte de frauta é moi asequible, tamén os PAD. A parte do carillón resulta máis complicada, pero sempre é posible empregar a partitura como acompañamento… Hai moitas posibilidades.
É posible descargar a partitura en pdf.
A danza dos cisnes – Tchaikovsky
Luns, 5 de Marzo de 2007
Sen comentarios
A danza dos cisnes, pertencente ao ballet “O lago dos cisnes” de Tchaikovsky, constitúe unha partitura axeitada para traballar algúns conceptos de linguaxe musical como o grupo rítmico Ti-tiri ou o do# agudo na frauta.
Nesta ligazón teñen unha proposta de instrumentación para frauta e PAD do primeiro tema.
Tamén dispoñible a partitura en formato pdf.
Categorías: Partituras, Partituras para clase