Blogue-Musicanaescola » Partituras Haendel

Minueto II – Segunda Suite – Música Acuática- Haendel

xixirei — Wed, 01 Jul 2009 13:52:31 +0000

Na segunda Suite de Música Acuática, Haendel compuxo un minueto, tranquilo, como destinado a acompañar un momento de calma, quizais unha comida ou unha sobremesa. Esta versión do Minueto II en sol menor é un arranxo para frautín e cordas.

Pasacaille suite en sol menor – Haendel

xixirei — Sat, 02 May 2009 23:15:07 +0000

Este Passacaille, forma musical baseada nun obstinato sobre o que se realiza unha serie de variacións, pertence á suite en sol menor para clave de Haendel. Desde un punto de vista didáctico supón un exemplo moi claro para apreciar as características desta forma musical. Desde o punto de visto do estudo dos instrumentos de tecla (clave ou piano) posúe variedade técnica pois combina momentos contrapuntísticos con melodía acompañada, escalas, arpexios, paso de polgar…

Sarabande re menor – Haendel

xixirei — Sat, 02 May 2009 09:41:17 +0000

Esta famosa Sarabande en re menor, pertencente á suite para clave na mesma tonalidade composta por Haendel, é unha famosa obra que ten aparecido como banda sonora dalgunha película.
O procedemento da variación está moi presente nesta composición. Hai que recoñecer que Haendel era un mestre deste recurso compositivo. Non resulta pois raro que outros dous mestres da variación posteriores no tempo, Beethoven e Brahms, estudasen esta música.
A sarabanda en formato pdf

Chacona con variacións – Haendel

xixirei — Wed, 08 Apr 2009 08:05:17 +0000

A Chacona e a Passacaglia son dúas formas musicais propias do Barroco baseadas no procedemento compositivo chamado variación. A diferenza principal entrambas é que a Passacaglia soe estar en modo menor.
A Chacona con variacións é unha interesante peza para instrumentos de tecla de Haendel que comeza coa exposición dun tema e 10 variacións do mesmo.

Fugueta nº 3 – Haendel

xixirei — Thu, 31 Jul 2008 22:01:44 +0000

Seguindo coa publicación das «Seis Fuguetas» de Haendel, agora imos coa número 3, unha pequena peza en Re Maior con algúns momentos inspirados.
Fugueta nº 3.
Para descargar a versión en pdf, premer nesta ligazón

Fugueta 1 – Haendel

xixirei — Sat, 22 Mar 2008 09:01:51 +0000

As Seis fuguetas de Haendel poden constituir un bo material para iniciarse e traballar o estilo contrapuntístico dun xeito agradable.

Como exemplo, aquí ofrecemos a Fugueta nº 1

Sarabanda en mi menor – Haendel

xixirei — Mon, 13 Aug 2007 10:41:16 +0000

Esta fermosa Sarabanda de Haendel en mi menor posúe un engado peculiar: primeiro semella bastante cromática, mais na segunda parte, cando vai a sol maior, parece simplificarse ata regresar á tonalidade principal.

Aquí a versión en pdf.

Sarabanda da Suite en Sol menor – Haendel

xixirei — Thu, 07 Dec 2006 15:25:06 +0000

Esta sarabanda da suite en sol menor de Haendel non é tan famosa como algunha outra, mais amosa que Haendel tiña ben dominada esta forma musical propia das suites barrocas.