Día das Letras Galegas 2009

DÍA DAS LETRAS GALEGAS 2009
Esta terra ten fala
de seu, como unha rosa,
mais un vento de morte
quere tirarlle as follas.


Palabras para o amor,
a xenreira e a loita,
palabras como pétalos,
que rin e tamén choran.


Palabras que dixeron
os avós e as avoas.
Ao falarmos Galego
na nosa voz ecoan.


Palabras dunha lingua
feita á medida nosa,
se as deixamos caer
non teremos Historia.


Marica Campo